Xog Sidee Loo Shirqoolay Mukhtaar Roobow kadibna Loo Xidhay + Xagee Hada Uu Ku Sugan Yahay Mukhtaar Roobow .

Wararka naga soo gaadhaya magaalada Baydhabo ee gobolka Baay ayaa sheegaya in ciidamada Ethiopia ay kaxeysteen Sheekh Mukhtaar Roobow Abuu Mansuur. 

 

Ilo ku dhow Sheekh Mukhtaar Roobow Abuu Mansuur ayaa sheegay in xadhiggiisa uu ahaa qaab shirqool ah oo laga soo shaqeeyey.

Ilo xog ogaal ah oo ku dhow dhow Mukhtaar Roobow Abuu Mansuur ayaa xaqiijiyay in ciidamada Ethiopia ee ku  sugan magaalada Baydhabo ay ka dambeeyeen falka lagu xidhay Abuu Mansuur.

Waxaa ay sheegeen in Mukhtaar uu ka mid ahaa musharrixiinta Koonfur Galbeed oo lagu ballamiyay Madaxtooyada maamulkaas.

 

 

Inta badan Musharrixiinta madaxweynaha Koonfur Galbeed ayaa waxaa ballamiyay C/Qaadir Shariif Sheekhunaa, oo ah ku simaha Madaxweynaha sidoo kalena ah Guddoomiyaha Baarlamaanka Koofur Galbeed.

 

 

Qof ka mid ah Xogheynta Abuu Mansuur ayaa sheegay in iridda madaxtooyada markii uu marayay lagala degay gaadhiga,kaddibna halkaas lagu jir dilay lana ka xeystay.

 

Magaalada Baydhaba ayaa waxaa ka socda Rabshado ka dhashay Xadhigga Abuu Mansuur,waxanaa sidoo kale la sheegayaa in magaalada laga maqlayo rasaas ka dhaceysa meelaha qaar.




Leave a Reply

Your email address will not be published. Required fields are marked *

Social Media Auto Publish Powered By : XYZScripts.com
%d bloggers like this: