Tirada Ciidamada Brundi Ka Jooga Soomaaliya Oo La Dhimayo Iyo Sababta Keentay.

Soomaaliya waxaa howlgal loogu magac daray nabad ilaalin u jooga ciidamo Afrikan ah oo ka socda dhowr wadan, waxa ayna ciidamadan dowlada federaalka ka taageeraan dagaalka ka dhanka ah Al Shabaab iyo sugida amaanka goobaha muhiimka ah.

 

 

Midowga Afrika ayaa ka dalbaday dowlada Brundi in ay dhinto ciidamada Nabad ilaalinta ee Soomaaliya ka jooga , waxaana Qoraal loo diray dowlada Brundi looga dalbaday in Soomaaliya kala baxdo 1,000  kamid ah ciidankeeda.

 

Ciidamadan laga dalbaday dalka Brundi in ay kala baxdo Soomaaliya ayaa la sheegay qeyb ka tahay hannaanka ay ciidamada midowga Afrika ee loo yaqaa AMISOM uga baxayaan Soomaaliya.

Dukoment diblomaasi oo la qariyay ayaa Midowga Afrika kaga codsaday dalka Burundi inay dhimmista ciidamada ay kala baxeyso Soomaaliya dhameystiraan February 28, ee sanadka soo socda.

 

 

Midowga Afrika waxaa ka jooga Soomaaliya ciidamo gaaraya 21,500 oo wadamo kala duwan ka socda, waxaana dalka Brundi Soomaaliya ka jooga 5,400 oo askari, waana dalka labaad ee ciidamada ugu badan ka joogaan Soomaaliya.

 




Leave a Reply

Your email address will not be published. Required fields are marked *

Social Media Auto Publish Powered By : XYZScripts.com
%d bloggers like this: