Magacyadda Musharaxiinta Shubay Lacagtii Looga Baahnaa Murashaxiinta U Tartamaaya Hoggaanka Xisbiga KULMIYE.

Madaxweynaha Somaliland Muuse Biixi ahna gudoomiyaha Xisbiga Kulmiye ayaa ku shubey xisbiga Kulmiye, lacag dhan 128 milyan oo shillin oo ka mid aheyd shuruudaha looga baahan iney buuxiyaan murashaxiinta u tartamaaya gudoomiyaha xisbiga.

Sidoo kale Wasiirka arrimaha gudaha Maxamed Kaahin ahna gudoomiye ku xigeenka ayaa isaguna shubey lacag dhan 68 milyan oo shillin oo ka mid aheyd shuruudaha murashaxiinta gudoomiye ku xigeenada u tartamaya, Wasiir Maxamed ayaa u tartamaya gudoomiye ku xigeenka koobad ee xisbiga oo uu hada yahey mar labaad.

Axmed Cabdi dheere, Xuseen Aadan Cadde iyo Wasiirka Ganacsiga Maxamuud Xasan Sacad Saajin ayaa iyaguna shubey sidoo kale min 68 milyan oo shillin oo aheyd shuruudaha murashaxiinta gudooomiye ku xigeenada xisbiga,

Axmed Cabdi Dheere oo hada ah gudoomiye ku xigeenka Labaad ee Xisbiga ayaa isaguna u sharaxan jagadaas mar labaad.

Xuseen Aadan Cadde oo ah gudoomiye ku xigeenka saddexaad ee xisbiga Kulmiye ayaa u sharaxan gudoomiye ku xigeenka saddexaad ee Xisbiga Kulmiye mar kale isaguna.

Halka wasiirka ganacsigu Saajin u sharaxan yahey gudoomiye ku xigeenka afaraad ee xisbiga oo hada uu hayo jagaadasi Madaxweyne ku xigeenka Somaliland Saylici, hase yeeshee Saylici ayaa isna wararka qaar sheegayaan inuu u tartamayo isla jagada uu hadda hayo oo uu isna lacagtii shubay.

Murashaxiinta kale ee hore u shaaciyey iney u ordaan kuraasta Xisbiga ugu sareysa ayaan iyagu shubin dhaqaalaha loogu talo galey iney shubaan ka hor shirweynaha Xisbiga ee loo qoondeyey inuu qabsoomo horaanta bisha October ee sanadkan 2020-ka.




Leave a Reply

Your email address will not be published. Required fields are marked *

Social Media Auto Publish Powered By : XYZScripts.com
%d bloggers like this: