Madaxweyne Biixi Oo Magacaabay Golaha Sare Ee Agaasinka Baanka Dalka.

Madaxweynaha JSL Muuse Biixi Cabdi ayaa dhawaan magacaabay golaha sare ee Baanka JSL.

Ma jiro war rasmi ah oo lagu baahiyay wareegtada Madaxweyne Biixi, laakiin ilo xogogaala ayaa Geeska Afrika u xaqiijiyay in Madaxweyne Biixi oo tixraacaya xeerka Baanka uu magacaabay 8 xubnood oo ka mid noqon doona golaha sare ee Baanka, waxaana xubnahan si toos ah uga mid noqon doona saddexda xubnood ee fulinta Baanka oo kala ah guddoomiyaha, guddoomiye-xigeenka iyo agaasimaha guud ee Baanka.

Sida ay wararkan xogogaalka ahi u sheegeen Wargeyska Geeska Afrika, 8-da xubnood ee uu Madaxweyne Biixi u magacaabay golaha sare ee Baanka JSL, oo badankoodu dalka dibadiisa kala jooga ayaa kala ah

  1. Axmd Cali Qaasaali
  2. Maxamed Sheekh Xasan Taani
  3. Maxamed Cabdi Ibraahim
  4. Cismaan Sheekh Axmed
  5. Cali Axmed Cismaan
  6. Maxamuud Cawil Ibrahaim
  7. Xuseen Cabdillahi Jaamac
  8. Mustafe Cali Jaamac

Xeerka  Baanka ayaa qoraya in xubnaha golaha sare ee Baanka JSL ay tiradoodu noqon doonto ugu badnan 8 xubnood. Xubnahan uu magacaabay waxa ku jira guddoomiyihii hore ee Baanka JSL Maxamed Cabdi Ibraahim iyo la taliyaha Madaxweynaha ee arrimaha dhaqaalaha Cismaan Sheekh Axmed.




Leave a Reply

Your email address will not be published. Required fields are marked *

Social Media Auto Publish Powered By : XYZScripts.com
%d bloggers like this: