Khilaafka Gaas iyo Camey oo ka daray kadib tallaabo uu caawa qaaday Camey

 Warar dheeraad ah ayaa kasoo baxaya tallaabo lama filaan ah oo uu qaaday madaxweyne ku xigeenka Puntland Cabdixakiin Camey, taasi oo uu kulan magaalada Garoowe kula yeeshay qaar kamid ah musharixiinta Puntland.

Kulanka uu madaxweyne ku xigeenka la yeeshay musharixiinta ayaa ka dambeeyay kadib markii uu ku qanci waayay guddiga xalinta Khilaafaadka ee uu magacaabay madaxweyne C/Welli Maxamed Cali Gaas.

Qaar kamid ah musharixiinta Puntland ayaa dhankooda ku qanacsaneyn guddiga uu magacaabay madaxweyne Gaas, waana tan keentay inay kulankooda deg degaa ka dhacaa magaalada Garowe.

Warar aan ka heleyno magaalada Garowe ayaa sheegaya in madaxweyne ku xigeenka Puntland uu ku dhawaaqay guddi cusub oo ka hor imaanaya guddiga uu magacaabay madaxweyne Gaas.

Arrintaan ayaa kasii careysiin karta madaxweynaha maamulka Puntland oo dhankiisa maanta guddiga ku dhawaaqay, waxayna sii kordhineysaa Khilaafka u dhaxeeya labada dhinac.

Madaxweyne Gaas iyo ku xigeenkiisa ayaa muddooyinkii ugu dambeeyay waxaa ka dhaxeeyay khilaaf kasoo bilowday xiriir u jaristii maamulada dalka ay ku sameeyeen dowladda Soomaaliya.

Muddo bil ah ayaa ka harsan doorashada madaxweynaha maamulka Puntland, waxaana durba musharixiin badan ay hadda wadaan diyaar garow.




Leave a Reply

Your email address will not be published. Required fields are marked *

Social Media Auto Publish Powered By : XYZScripts.com
%d bloggers like this: