Erdogan Oo Ku Hanjabay Inuu Sii Ballaarin Doono Xidhiidhka Ruushka.

Madaxweynaha Turkiga Recep Tayyip Erdogan ayaa ku gooddinaya inuu sii xoojin doono xiriirka milateri ee kala dhexeeya xukuumadda Moscow haddii Mareykanku uusan qaadin cunaqabateynta saaran iibka diyaaradda dagaalka ee muhiimka ah.

Digniinta ayaa imaanaysa ka hor kulanka la qorsheeyaya inuu toddobaadka soo socda dhex maro u dhexeeya Erdogan iyo Madaxweyne Donald Trump.

Turkiga ayaa lagu wadaa inuu iibsado diyaaradda dagaalka ee ah noocii u dambeeyay ee Ruushka lagu farsameeyay ee noocedu yahay Su-35. Wadanka ayaa horeyba uga xanaajiyay xulafadiisa reer galbeedka isaga oo ka soo iibsaday nidaamka gantaalaha Ruushka ee S-400.

“Markii aan iibsannay S-400, qofna ma aanan weydiisan [ogolaansho]. Marka, haddii aan go’aan qaadanno waan iibsan doonnaa [Su-35],” ayuu yiri Erdogan maalintii Talaadada.

Erdogan wuxuu muujinayaa go’aanka ugu dambeeya ee ku saabsan iibsashada diyaaradda Ruushka inay gacanta ugu jiri karto xukuumadda Washington. Wuxuu ugu baaqay Trump in uu xayiraadda ka qaado iibinta diyaaradaha dagaalka Mareykanka ee F-35 ee loo iibgeeyo Turkiga.




Leave a Reply

Your email address will not be published. Required fields are marked *

Social Media Auto Publish Powered By : XYZScripts.com
%d bloggers like this: