Dalka Mali Oo Madaxwaynihii La Xidhay.

Madaxwaynihii dalka Mali Ibrahim Boubacar Keïta ayaa iscasilay, ka dib markii ay xidheen militariga dalkaasi Salaasadii, waxaa sidaasi sheegay telefishinka qaranka dalkaasi. Khudabad uu telefishinka ka jeediyay ayuu , Mr Keita waxaa uu sheegay in sidoo kale uu kala diray baarlamaanka dalkaasi. “Waxaan doonayaa in uuna dhiig u daadin si aan awoodda u sii hayo,” ayuu intaa ku daray. Arrintan ayaa ku soo beegmaysa saacado uun ka dib markii isaga iyo rai’sul wasaarihi dalkaasi Boubou Cisse la xidhay islamarkana la geeyay saldhig militari oo ku yaalla caasimadda Bamako. Tallaabadda militariga ayaa waxaa cambaareeyay dalalka gobolka iyo dowladda Fransiiska.

Keita ayaa ku guuleystay doorashadii Mali ka dhacday sanadkii 2018-kii, laakiin waxaa tan iyo markaas taagneyd caro ku saabsan musuqmaasuqa ka jira waddanka, maamul xumo dhinaca dhaqaalaha ah iyo xaaladda amni ee kasii dareysa. Waxaa militariga talada la wareegay hogaaminayay Col Malick Diaw – oo ah ku xigeenka madaxa salhigga Kati – iyo abaanduule kale oo lagu magacaabo , Gen Sadio Camara, sida uu sheegay wariyaha BBC Abdoul Ba oo ku sugan magaaladda Bamako. Markii ay saldhigaasi oo u jira 15 KM caasimadda Bamako ay la wareegeen ayaa waxay ka dib so galeen caasimadda dalkaasi oo dad ku faraxsan tallaabadooda ay soo dhaweeyeen. Talaadadii Milatariga ayaa xabsiga u taxaabay madaxweyne Ibrahim Boubacar Keita.




Leave a Reply

Your email address will not be published. Required fields are marked *

Social Media Auto Publish Powered By : XYZScripts.com
%d bloggers like this: